"Пахтакор"нинг мағлубияти сабаб Эрон ОФКнинг клублар рейтингида Ўзбекистондан ўтиб кетди
"Пахтакор" Осиё чемпионлар лигаси гуруҳ босқичи 5-турида "Сепахон"га имкониятни бой берди (1:2).
Ушбу мағлубият ОФКнинг клублар рейтингига таъсир қилди. Бу ҳақда Алишер Никимбаев телеграмдаги саҳифасида маълумот берди.
- “Пахтакор”нинг “Сепахон”дан учралган мағлубиятдан сўнг Эрон ОФКнинг клублар рейтингида Ўзбекистондан ўтиб кетди.
Айни дамда Эрон 2019, 2021 ва 2022/23 йилги мавсумлар учун жами 33,225 очкога эга. Ўзбекистон эса 32 280.
"С" гуруҳидаги "Фулад" ҳозирда пешқадамлик қилмоқда ва "Ал-Гарафа"ни мағлуб этди. Бу эса Эронга яна 3 очко беришади. Шундай қилиб, орадаги фарқ катталашиши мумкин. Ўзбекистоннинг барча умиди “Сўғдиёна”нинг ОФК кубогидаги ўйинларига боғлиқ бўлиб қолади, - деди Алишер Никимбаев.
Фикрлар