Пеп Гвардиола "Манчестер Сити"да қоладими?

"Манчестер Сити" бош мураббийи Хосеп Гвардиола клубнинг еврокубоклардан четлатилишига қарамасдан "шаҳарликлар" бошқарувида қолишини таъкидлаб ўтди.

"Вазият қандай бўлишидан қатъий назар мен шу ердаман. Агар бизни учинчи дивизонга тушириб юборишса ҳам мен "Манчестер Сити" биланман. Жиплашиш вақти келди", - дея Гвардиола сўзларидан иқтибос келтирмоқда Sky Sports журналисти Каве Солхекол.

Эслатиб ўтамиз, олдинроқ, мураббий "Манчестер Сити" футболчилардан хеч бири ёзда клубни тарк этмаслигини айтиб ўтган эди.