Пике: Гризманн – ажойиб футболчи, лекин...

“Барселона” клуби ҳимоячиси Жерар Пике “Атлетико” форварди Антуан Гризманнинг Каталония супер клубига кўчиб ўтиши борасида тарқалган хабарларга ўз муносабатини билдириб ўтди.

“Гризманн – ажойиб футболчи. Лекин, қарор қабул қилиш менинг ваколатимга кирмайди. Айтишим мумкинки, “Барселона”га келадиган ҳар қандай футболчи жамоага нимадир олиб келиши мумкин”, - дейди Пике.

Эслатиб ўтамиз, бундан аввалроқ "Барселона"нинг етакчи футболчилари Гризманни жамоага келишига қарши эканликлари ҳақида хабарлар тарқалган эди.