Пирс Морган Роналдунинг голидан ҳайратда: "Агар у "Арсенал"да бўлганида, титулларни ютиб юрардик"

Саудия Арабистони Про-лигасининг 27-туридан ўрин олган "Ан-Наср" – "Ар-Риёд" учрашувида португалиялик юлдуз дубл қайд этди. Ҳисоб 2:1 бўлиб, ҳар иккала голни ҳам Роналду урди. Айниқса, иккинчи гол мухлислар эътиборини тортди.

Таниқли британ журналисти ва "Арсенал"нинг ашаддий мухлиси Пирс Морган Криштиану Роналдунинг навбатдаги ажойиб голидан сўнг ўз таассуротлари билан ўртоқлашди.

"Ачинарлиси шундаки, "Арсенал" менинг маслаҳатимга қулоқ солмади. Криштиану МЮдан кетганида бизга ўтишга тайёр эди. Агар ўшанда уни олганимизда, эҳтимол 3 марта чемпион бўлган бўлардик. У ҳозир ҳам дунёдаги энг яхши якунловчилардан бири" – деб ёзди Морган ўз ижтимоий тармоғида.