Почеттино

Чемпионлар Лигаси 1/8 финал жавоб учрашувида ПСЖ - "Барселона"ни қабул қилди ва 1:1 ҳисобидаги дурангга имзо чекди. Икки ўйин натижасига кўра кейинги босқичга чиққан парижликлар устози Маурисио Почеттино ўз фикрлари билан ўртоқлашди:

"Барселона" билан 180 дақиқа футбол ўйнаб, кейинги босқичга чиқиш ажойиб! ПСЖдаги 2 ойлик фаолиятим давомидаги энг зўр ҳиссиётларни бошдан кечиряпман.

Биринчи бўлимда ҳафсаламиз пир бўлди. Тўпни қайтариб олиш биз учун осон бўлмади, майдонда анча тер тўкдик. Танаффусдан кейин ўйин даражасини оширдик, диққатлироқ ва тажовузкор бўлдик, тўп билан яхшироқ ишладик. Чорак финалга чиқиш клуб учун жуда муҳим вазифа эди.

Кейлор Навас ақл бовар қилмас ўйин намойиш этди. У бизга жуда катта ёрдам берди. Кейлор - дунёнинг энг кучли дарвозабонларидан бири. У буни исботлади".

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар