Погба кутилмаган таклиф олди

“Манчестер Сити” раҳбарияти клубнинг ашаддий рақиби “Манчестер Юнайтед” юлдузи Поль Погбани трансфер қилишни режалаштирмоқда.

The Guardian нашрининг хабарига кўра, “шаҳарликлар” франциялик ярим ҳимоячини эркин агент сифатида қўлга киритиб, унга тўрт йиллик шартнома таклиф қилмоқчи. Шунингдек, Погбада ҳамкорликни яна бир йилга узайтириш имкони бўлади.

Маълумотларга қараганда, 29 ёшли футболчининг ўзи “шаҳарликлар” бош мураббийи Хосеп Гвардиола билан бирга ишлашни истаяпти.

“Юнайтед” бош мураббий Ральф Рангник Погба клубда қолмаслигини ва жароҳати туфайли мавсумнинг қолган қисмини ўтказиб юборишини таъкидлади.

Погба чемпионатда 20 та учрашувда қатнашиб, битта гол ва тўққизта ассист муаллифи бўлди.