Португалия терма жамоаси бош мураббийи Жаҳон чемпионатида Ўзбекистон устидан йирик ғалаба ҳақида гапирди

"Жаҳон чемпионати — 2026" мусобақасининг "К" гуруҳи 2-туридан ўрин олган учрашувда Ўзбекистон терма жамоасига қарши йирик ҳисобда (5:0) ғалаба қозонган Португалия терма жамоаси бош мураббийи Роберто Мартинес ўйиндан сўнг ўз фикрларини билдирди. Беллашув АҚШнинг Хьюстон шаҳрида жойлашган "Эн-Эр-Джи Стэдиум" аренасида бўлиб ўтди. Учрашувга Марокашдан келган ҳакам Жалол Жайед бошчилик қилди.

"Кўрганимиз — айнан шу реакция эди. Турнирда олға силжиш учун баъзан биринчи ўйиндаги каби баҳслар керак бўлади. Бугун эса худди ўша руҳ, ўша ғайрат билан майдонга тушган, лекин тажрибаси ошиб, етилиб борган жамоани кўрдик, чунки бу энди биринчи ўйин эмасди. Натижадан жуда мамнунман", — дея Мартинес сўзларини ФИФА расмий сайти келтиради.

Эслатиб ўтамиз, Португалия терма жамоаси 1-турда Конго ДР жамоасига қарши майдонга тушган ва ўша баҳс голларга бой дуранг (1:1) билан якунланган эди.