Португалия терма жамоасининг янги мураббийи Роналду ҳақида гапирди

Яқинда Португалия терма жамоаси бош мураббийи етиб тайинланган Роберто Мартинес Роналду борасида фикр билдирди. Роберто Мартинес Криштиану Роналдуга умид қиляптими, деган саволга жавоб берди.

"Португал тилини имкон қадар тезроқ ўрганишга ҳаракат қиламан. Дунёнинг энг юқори савияли жамоаларидан бирида эканлигимдан хурсандман. Таклифни олгач, шу лойиҳа мени рухлантираётганини англадим".

- Криштиану Роналдуга ишонасизми?

- Мен футболчилар билан учрашишни, ҳамма билан гаплашишни истайман. У 19 йилдан буён терма жамоада тўп тепади ва бу ҳурматга лойиқ. Биринчи ўйиндан 10 ҳафта олдин у билан қандай қилиб яхшироқ жамоа тузишни муҳокама қиламиз. Эртага иш бошлаймиз", - деди Мартинес.

Эслатиб ўтамиз, 49 ёшли мутахассис Қатарда бўлиб ўтган жаҳон чемпионатидан кейин Бельгия терма жамоаси мураббийлиги лавозимидан кетганди.