Португалиянинг Ўзбекистон устидан ғалабасига ортиқча баҳо берманг!

Португалиялик футбол агенти Паулу Барбоза кечқурунги Ўзбекистон терма жамоаси ўйинига ўз муносабатини билдирди.

- Таъкидлаш керакки, Ўзбекистон терма жамоаси бу сафар биринчи турда кўрган ўйинига умуман ўхшамаган ўйин намойиш этди, жуда заиф ҳаракат қилди. 

Ҳа, Португалия ғалаба қозонди, лекин бу натижани ҳаддан ташқари бўрттириш керак эмас, чунки ўйин жуда осон ўтди, – дея фикр билдирди Паулу Барбоза «Матч ТВ» телеканалига.

Эслатиб ўтамиз, сешанба куни кечқурун бўлиб ўтган баҳсда Ўзбекистон терма жамоаси Португалия миллий жамоасига 0:5 ҳисобида мағлуб бўлди. Европаликлар сафида Криштиану Роналду дубль қайд этди.

Шунга қарамай, икки учрашувда жами 1:8 ҳисобида мағлуб бўлган Ўзбекистон терма жамоаси ҳали ҳам маълум шароитларда плей-офф босқичига йўл олиш имкониятини сақлаб қолмоқда.