Про-лига. "Бухоро" ўз майдонида йирик ғалабани тантана қилди

Про-лига 20-туридан ўрин олган "Бухоро" - "Машъал" баҳси якунига етди. Унда майдон эгалари йирик 3:0 ҳисобида ғалаба қозонди. 

Ўйинда Рўзимбой Аҳмедов дубль муаллифига айланган бўлса, Миржалол Жумаев бир марта рақиб дарвозасини ишғол қилди. 

Шу тариқа, бухороликлар ҳисобидаги очколари сонини 37 тага етказиб қўйди. Айни вақтда улар 3-ўринни банд этган. 29 очкоси бор "Машъал" "A" жадвалда 4-поғонада бормоқда.