Профессионал бокс оқшоми барча натижалари билан танишинг

Тошкентда катта профессионал бокс оқшоми бўлиб ўтди. 

Исроил Мадримов ва Мишель Соро жанги муддатидан олдин якунига етди. Жангнинг 9-раунди якунида Мадримов Сорога кетма-кет кучли зарбалар бера бошлади. Ўша вақтда гонг чалинди аммо боксчилар ва рефери буни эшитмай қолди. Яна бир неча зарбадан сўнг ҳакам жанги якунлаганлик ишорасини берди. Бу ҳолат гонгдан сўнг бўлганлиги учун бир муддат муҳокама қилинди. Якунда эса натижа ўзгартирилмайдиган бўлди. Шундай қилиб, Исроил Мадримов Мишель Сорони 9-раундда техник нокаут билан мағлуб этди.

6. Бокс оқшомининг энг қизиғин палласи бошланди. Иккинчи асосий жангда ҳамюртимиз Шаҳрам Ғиёсов Аргентинадан ташриф буюрган Кристиан Кориани очколар бўйича мағлуб этди. 

5. Ҳасанбой Дўсматов ўзига тегишли бўлган WBA International камарини мексикалик Ҳосе Ривасдан ҳимоя қилди. 10 раунд этиб белгиланган баҳснинг 5-раундида рақиб жароҳат сабаб жангни давом эттира олмади. Шундай қилиб, Дўсматов техник нокаут билан ғалаба қозонди. 

4. Мазкур кечанинг DAZN платформасида трансляцияси бошланди. Жаҳон бўйлаб эфирга узатилаётган оқшомнинг 4-жангида Бектемир Мелиқўзиев ва Сергей Екимов баҳс олиб борди. Мазкур қарама-қаршилик тўлиқ 8 раунд давом етди ва Мелиқўзиев очколар бўйича зафар қучди. 

3. Элнур Абдураимов филиппинлик Жон Геминога қарши рингга кўтарилди. Абдураимовнинг тўлиқ устунлигида ўтган баҳс 6 раундда муддатидан олдин якунига етди ва унда ҳамюртимиз устун келди. Бу унинг 8-ғалабаси бўлди. 

2. Иқболжон Холдоров профессионал йўналишда иккинчи жангини Белоруссия вакили, Шоҳжаҳон Эргашевнинг собиқ рақиби Дмитрий Милиушага қарши ўтказди ва 1 раундда муддатидан олдин ғалаба қозонди. 

1. Профессионал боксда биринчи жангини ўтказган боксчимиз Дилшодбек Рўзметов рақиби Максим Смирнов устидан очколар  ҳисобида  ғалаба қозонди ва илк дебютини омадли нишонлади.

Тўлиқ жанг жуфтликлари: 

12 раунд: Исроил Мадримов (7-0, 5КО) - Мишель Соро (35-2-1, 24КО)

10 раунд: Шаҳрам Ғиёсов (11-0, 9КО)- Кристиан Кориа (29-8-2, 13КО)

10 раунд: Ҳасанбой Дўсматов (3-0, 3КО) - Ҳосе Ривас (18-12-4, 10КО)

8 раунд: Бектемир Мелиқўзиев (7-1, 6КО) - Сергей Екимов (18-3, 9КО)

10 раунд: Элнур Абдураимов (7-0, 6КО) - Жон Гемино (22-12-1, 12КО) 

6 раунд: Иқболжон Холдоров (1-0, 1КО) - Димитрий Милиуша (9-5-1, 4КО) 

6 раунд: Дилшод Рўзметов (дебют) - Максим Смирнов