Профессионал муайтайчиларимиз Туркияда жанг қилади

14 август куни Туркиянинг Бодрум шаҳрида маҳаллий “Pitbull” промоушени томонидан профессионал муайтай бўйича нуфузли жанг кечаси ташкил қилинади.

Мазкур кечада бир қатор ўзбекистонлик муайтай усталари ҳам жанг қилади. Жумладан, Бобур Тагиев испаниялик Алекс Фернандесга қарши жанг қилса, Наимжон Тўхтабоев сербиялик Милош Янкович билан баҳс юритади.

Шунингдек, яна бир вакилимиз Мавлуд Тифиев туркиялик Кубилай Тарханга қарши жанг қилиши кўзда тутилмоқда.

Шу ўринда мазкур юртдошларимизга олдинда турган муҳим жангларда омад ёр бўлишини тилаб қоламиз!