ПСЖ - "Бавария": Матнли трансляция

Ассалому алайкум, мухтарам футбол ихлосмандлари! Чемпионлар Лигаси чорак финалидан ўрин олган ПСЖ - "Бавария" учрашуви матнли трансляция кўринишида эътиборингизга ҳавола этилади. Уни сизлар билан Жавоҳир Азимов кузатиб боради.

• 90+4'
  

  Учрашув якунланди. Амалдаги чемпион чорак финалда тўхтади, ПСЖ ярим финалда!

• 90+2'

  Сўнгги дақиқаларда темп жуда юқори. 1 та гол ҳаммасини ҳал қилади.

• 90'
  

  Ҳозиргина майдонга тушган Эррера сариқ карточкага лойиқ кўрилди.

• 90'
  

  Ўйиннинг асосий вақтига 4 дақиқа қўшиб берилди.

• 88'
  

  Анхель Ди Мария захирага олинди. Унинг ўрнига ўйинни Андер Эррера давом эттиради.

• 87'
  

  Меҳмонлар футболчиси воқеалар ривожидан бироз илгарилаб кетди. Ҳакам ўйинни тўхтатди.

• 85'
  

  Шупо-Мотинг ўрнига Хави Мартинес ўйинга қўшилди.

• 83'

  Ўз қанотидан рейд уюштирган Саненинг зарбасига бироз аниқлик етишмади.

• 81'

  Томонлар майдон марказида кичик қўполликлар блиан рақиб ҳужумини бузишга уринмоқда.

• 79'
  

  Мбаппенинг голи ўйиндан ташқари ҳолат туфайли инобатга олинмади.

• 77'

  Неймар рақибига нисбатан қоида бузди. "Бавария"да стандарт вазият юзага келди.

• 75'

  Сўнгги дақиқаларда Почеттино шогирдлари ҳам фаоллашиб қолди.

• 73'
  

  Юлиан Дракслер ўз ўрнини Мойзе Кинга бўшатиб берди.

• 71'
  

  Бугун ўзига ўхшамаган Дэвис ўрнига Мусиала майдонга тушди.

• 68'
  

  Рақибига нисбатан қоида бузган Томас Мюллерга сариқ арточка кўрсатилди.

• 65'

  Ўйин мюнхенликларнинг устунлиги остида давом этмоқда.

• 62'
  

  Мюллер ҳисобдаги фарқни ошириши мумкин эди. Бироқ Навас яхши ҳаракат қилди.

• 61'

  Парижликлар стандарт вазиятдан унумли фойдалана олмади.

• 58'
  

  Диалло ўйинни давом эттира олмади. Унинг ўрнига Митчел Баккер майдонга ташланди.

• 57'
  

  Абду Диаллога шифокорлар ёрдам керак.

• 55'
  

  Колин Дагбага сариқ карточка кўрсатилди.

• 54'

  Ди Мариянинг зарбасига бироз аниқлик етишмади. Ҳисоб ўзгаришига бир баҳя қолди.

• 52'
  

  Рақибига нисбатан қўполлик ишлатган Алабага сариқ карточка кўрсатилди.

• 50'
  

  "Бавария" бурчак тўпидан хавфли вазият ярата олди. Аммо ундан гол ура олишмади.

• 48'

  Бўлимни меҳмонлар фаол бошлади. Алабанинг зарбаси бироз ноаниқ кетди.

• 46'

  Футболчилар майдонга қайтди. Биз ҳам қайтамиз!

• 45+3'
  

  Танаффус!

• 45+2'
  

  Саненинг зарбасидан кейин тўпни дарвозабон эгаллаб олди.

• 45+1'
  

  Ди Мария билан комбинация ташкил этган Мбаппе ўйиндан ташқари ҳолатда қолиб кетди. Ҳакам ўйинни тўхтатди.

• 45'
  

  Биринчи таймга 1 дақиқа қўшиб берилди.

• 44'

  Алабанинг узоқ масофадан берган кучли зарбасини Навас қайтарди.

• 43'

  Жарима майдони ичида техник ҳаракатлар намойиш этган Мбаппенинг зарбасига бироз аниқлик етишмади.

• 42'
  

  Парижликлар бурчак зарбасидан наф чиқара олмади.

• 41'
  

  ГОООООООООООООООООООООООООЛ! Сен урмасанг, сенга уришади!

  Алабанинг зарбасини Навас қайтарди. Такрорий зарба билан Шупо-Мотинг ҳисобни очди.

• 39'

  Неймар бу сафар бирга-бир вазиятдан устунни пойлади. ПСЖ хавфли вазиятлар бўйича устунлик қилмоқда.

• 38'

  Шупо-Мотинг жамоадоши узатган тўпга ета олмади.

• 37'

  Суперфинт билан Команни "хот-догга жўнатган" Неймарнинг зарбаси тўсинни титратди.

• 36'

  Жарима майдонига яқин ҳудудда Боатенг Мбаппега нисбатан қоида бузди. Мезбонларда яхши стандарт вазият юзага келди.

• 34'
  

  Неймарнинг жарима майдони ичидан йўллаган зарбасини Нойер қайтарди.

• 33'

  ПСЖ позицион ҳужум уюштирмоқда.

• 32'
  

  Ён ҳакам жиддий хатога йўл қўйди. Бирга-бир вазиятга чиқиб борган Мбаппе офсайдда эмасди. Бироқ ҳакамлар ўйинни тўхтатди.

• 30'

  "Қизиллар" майдон бўйлаб тўпни ўзида ушлаб турибди.

• 28'

  Ҳужумда қўполлик ишлатган Неймар тўп йўқотилишига сабаб бўлди.

• 27'
  

  НОЙЕР! Неймарнинг бирга-бир вазиятдан йўллаган зарбасини Нойер қайтарди.

• 27'

  Бу сафар Киммихнинг уриниши ноаниқ кетди.

• 26'

  Саненинг жарима майдони ташқарисидан берган зарбасига бироз аниқлик етишмади.

• 25'

  Парижликлар тартибли ҳимояланмоқда. Рақиб жарима майдонига киришга қийналяпти.

• 23'

  Шериги оширган тўпга Мбаппе бироз ета олмади.

• 22'
  

  Команнинг фаол ҳаракатлари жамоасига бурчак тўпи олиб келди. Киммихнинг узатмасини эса рақиб футболчилари узоқлаштирди.

• 20'

  Ди Мариянинг узатмасига Неймар ета олмади. Боатенг уни тўхтатди.

• 19'
  

  Килиан Мбаппе офсайдда қолиб кетди.

• 18'
  

  Анхель Ди Марияга тиббий ёрдам кўрсатилмоқда.

• 16'

  Неймардан тўпни олиб қўйган Эрнандес тўпни жамоадошларига етказиб бера олмади.

• 14'

  Футболчилар тўпни тезда бир-биридан олиб қўймоқда.

• 12'

  Тезкор қарши ҳужумга ўтаётган Мюллерни Данилу қоида бузиш эвазига тўхтатди.

• 11'

  Бугун мюнхенликлар Неймарга анча жиддий тарзда қаршилик кўрсатмоқда.

• 9'
  

  Яқин масофадан зарба берган Неймарнинг уринишини Нойер бартараф этди.

• 8'

  Саненинг узатмасидан кейин қулай имконият ҳосил қилган Дэвис тўп йўқотди.

• 6'

  Жарима майдони марказига етказиб берилган тўпни Навас ушлаб олди.

• 5'

  Тўп назорати Флик шогирдлари томонда бўлиб турибди.

• 3'

  Мбаппенинг ўткир бурчакдан йўллаган зарбасига бироз аниқлик етишмади.

• 2'

  Меҳмонлар дастлабки дақиқалардан босим уюштирмоқда.

• 1'
  

  Ўйин бошланди!