ПСЖ 10 киши бўлиб қолган рақибини ишончли ҳисобда мағлуб этиб, 3-ўринда қолди!

Франция 1-Лигаси 24-туридан ўрин олган "Марсель" - ПСЖ учрашуви ўз ниҳоясига етди. Ўйин парижликларнинг 0:2 ҳисобидаги ишончли ғалабаси билан якунланди. Голларга Килиан Мбаппе ҳамда Мауро Икарди муаллифлик қилди.

Шу тариқа, навбатдаги ғалабасини қўлга киритган ПСЖ ўз очколари сонини 51 тага етказиб олди ва 3-ўринда бормоқда. "Марсель"да эса очколар сони 33 та, ўрин эса тўққизинчи.

Маълумот учун, "Лига 1" турнир жадвалини айни дамда 54 очко тўплаган "Лилль" бошқариб бормоқда.

• 90+5'
  

  Учрашув якунланди! ПСЖ сафарда "Марсель"ни ишончли ҳисобда мағлуб этди ва 3-ўринда қолди. Матнли трансляцияни Абдулла Маннонов олиб борди. Эътиборингиз учун раҳмат!

• 90+2'

  Верраттида жиддий жароҳат йўқ, лекин у ўйинни тугатиб қўя олмайди.

• 90+1'
  

  Дмитри Пайега қўпол фоли учун қизил карточка кўрсатилди ва у майдонни тарк этди.

• 90+1'
  

  Марко Верратти майдонда тиббий ёрдам оляпти. Тўқнашув содир бўлди.

• 90+'
  

  Учрашувга 4 дақиқа вақт қўшиб берилди.

• 89'
  

  "Марсель"да навбатдаги ўзгариш: Ронжье ўрнига Микаель Кюизанс ўйинга қўшилди.

• 89'
  

  Почеттино захираларни ишга солмоқда: Пабло Сарабия ўрнига Мойзе Кин майдонга тушди.

• 88'
  

  ПСЖда ўзгариш: Флоренци ўрнига Тило Керер ўйинга қўшилди.

• 87'

  Дмитри Пайе жарима майдони ичига тўпни узатди, бироқ у ерда ҳеч ким йўқ эди.

• 85'

  Тўп назорати: 53-47! "Марсель" яхши ўйнаяпти.

• 84'

  Верратти тўпни қўли билан ўйнаб юборди, ҳакам ҳуштагини чалди.

• 83'

  Килиан Мбаппе жарима майдончаси ичида анча ақлли ўйнади, унинг сўнгги зарбасига эса бироз аниқлик етишмади. "Марсель" тўпни дарвозадан ўйинга киритиб беради.

• 80'
  

  Пабло Сарабия офсайдда қолиб кетди.

• 79'
  

  "Марсель"да яна бир ўзгариш: Флориан Товен ўрнига Луис Энрике Томас де Лима ўйинга қўшилди.

• 78'
  

  Бояги жароҳат таъсирини кўрсатяпти: Альваро ўйинни давом эттира олмайди, унинг ўрнига майдонга Лукас Перрен тушди.

• 77'

  Мбаппе тўпни Неймарга узатди, марказда турган Неймардан эса ҳимоячилар бир амаллаб тўпни олиб қўйишди.

• 75'

  Неймар ўта қулай вазиятни қўлдан чиқарди! Унинг жарима майдони чизиғи устидан туриб берган кучли зарбаси дарвоза ёнидан ўтиб кетди.

• 74'

  Идрисса Гуйе тўпни олдинга узатди, унга ҳимоячилар эга чиқди.

• 73'

  Дарио Бенедетто ўта қўпол ўйнади, кейинги сафар бунақаси учун карточка кўрсатилиши аниқ.

• 69'
  

  ПСЖ бурчак тўпидан хавфли вазият юзага келтира олмади.

• 69'

  Алварода барчаси жойида, у бироз шикастланган, лекин ўйинни давом эттира олади.

• 68'
  

  "Марсель" аъзоси Алваро майдонда тиббий ёрдам олмоқда. Жароҳат жиддий шекилли...

• 67'

  Неймар катта тезлик билан жарима майдончаси ичига ёриб кираётган эди, бироқ ҳакам бошқа вазиятдаги футболчиларнинг фоли сабаб ҳужумни тўхтатди!

• 65'
  

  ПСЖда яна ўзгариш: Леандро Паредес ўрнига Данилу ўйинни кузатиб боради.

• 64'
  

  Почеттино ўзгаришларни ишга солади: Мауро Икарди ўрнига Неймар ўйинга қўшилди.

• 62'

  Алессадро Флоренци тўпни Икардига етказиб берди, бироқ Мауро зарба бера олмади.

• 61'
  

  Дмитри Пайе бурчакдан тўпни ўйинга киритиб беради.

• 59'

  Икарди гол уриш учун ажойиб вазиятда эди, бироқ тўп унинг қўлига тегиб кетгани боис, ҳакам ҳужумни тўхтатди!

• 58'
  

  "Марсель"да навбатдаги ўзгариш: Юто Нагатомо ўрнига Пол Лирола ўйинга қўшилди.

• 57'
  

  "Марсель" сафида ўзгариш: Валери Жермен ўрнига Дарио Бенедетто ўйинни давом эттиради.

• 56'
  

  Пайе бурчакдан тўпни ўйинга киритиб беради.

• 55'

  Пайе қанотдан ичкарига тўпни ажойиб тарзда етказди, бироқ ҳимоячилар хавфли вазият юзага келишига йўл қўймай, тўпни ташқарига чиқариб юборди.

• 53'
  

  Уххх! Икарди жуда қўпол подкат амалга оширди! Ҳакам унга сариқ карточка кўрсатди!

• 52'
  

  Дмитри Пайе бурчакдан тўпни ўйинга киритиб беради.

• 51'
  

  Камаранинг дарвоза марказига берган зарбасини Серхио Рико енгил сейви билан бартараф этди. Бурчак тўпи ижро этилади.

• 50'
  

  "Марсель" футболчиси Папа Гуйе қўпол фоли учун карточка билан огоҳлантирилди.

• 49'
  

  Мауро Икардида ажойиб вазият! У бош билан тўпни дарвозага тўғирлади, дарвозабон уни ушлаб қолди!

• 47'

  Килиан Мбаппе жарима майдони ташқарисида тўпни узатиш учун биронта шеригини топа олмади, тўп йўқотилди.

• 46'
  

  Иккинчи бўлим бошланди!

• 45'

  Футболчилар майдонга қайтишмоқда, биз ҳам қайтамиз.

• 45+3'
  

  Биринчи бўлим якунланди! Танаффус.

• 45+2'
  

  Леандро Паредес қоидабузарлик учун карточка билан огоҳлантирилди.

• 45+'
  

  Биринчи бўлимга 2 дақиқа вақт қўшиб берилди.

• 45'
  

  Дмитри Пайе бурчакдан тўпни ўйинга киритиб берди, ҳимоячилар яхши ўйнади.

• 44'

  Хироки Сакаи марсельликларга бурчак тўпи ишлаб берди.

• 43'
  

  Мауро Икарди бу сафар ҳам воқеалар ривожидан олдинлаб кетди!

• 42'

  Килиан Мбаппе тўпни жарима майдони ичига ошириб берди, дарвозабон Стив Манданда тўпни эгаллаб олди.

• 37'

  Флориан Товеннинг узатмаси блокланди. ПСЖ қарши ҳужумда.

• 36'
  

  Икарди ўйиндан ташқари ҳолатда қолиб кетди.

• 35'

  "Марсель" футболчиси Альваро ўйин қоидасини қўпол тарзда бузди. ПСЖ хавфли жарима зарбасига эга чиқди.

• 32'

  Паредеснинг ўта аниқ ва кучли зарбаси дарвозанинг ўнг устунини зир титратиб юборди!

• 31'

  Абу Бакар Камара ўйин қоидасини бузди. Ҳужумда фол.

• 28'
  

  "Марсель" футболчиси Валере Жермен офсайдда қолиб кетди.

• 25'
  

  ГОООООООООООООЛЛЛ!!! ПСЖ ҳисобни ишончли кўринишга келтириб қўйди! Флоренцининг қанотдан узатган тўпини жарима майдони ичида турган Икарди боши билан дарвозага тўғирлаб юборди ва жамоасининг 2-голини урди! 0-2!

• 24'
  

  Дмитри Пайе тўпни бурчакдан ўйинга киритиб берди, ПСЖ футболчилари тез ўйнаб, қарши ҳужумга ўтиб кетди.

• 23'

  Камаранинг енгил зарбасини дарвозабон Серхио Рико бурчакка чиқариб юборди.

• 21'

  "Марсель" футболчилари тўпни бир-бирига тезкорлик билан ва аниқ тарзда етказиб беришмоқда

• 19'

  "Марсель" футболчиси Абу Бакар Камаранинг жарима майдони чизиғи устидан туриб берган зарбаси дарвозадан бироз юқорига кетди.

• 18'
  

  Бурчакдан тўп Товеннинг ўзи томонидан ўйинга киритилди, ҳимоячилар ишончли ўйнади.

• 17'

  Флориан Товен жарима майдончаси ичига ажойиб узатма амалга оширди, бироқ ҳимоячилар вазиятни бартараф этишди. Бурчак тўпи ижро этилади.

• 15'

  Килиан Мбаппе хавфли ҳужум уюштирилаётган пайтда тўпни йўқотди, қарши ҳужум бўлиши мумкин.

• 13'
  

  Маурисио Почеттино аҳволи оғирлашган Ди Мария ўрнига Пабло Сарабияни майдонга туширди.

• 11'
  

  Анхель Ди Мария майдонда тиббий ёрдам олмоқда. Тўқнашув жиддий бўлди.

• 9'
  

  ГООООООООООООООООООЛЛЛ!!! Мбаппе Ди Мариядан тўпни қабул қилиб олди ва дарвозабонни осонгина чалғитиб ўтиб, дарвозани ишғол қилди!

• 7'
  

  "Марсель" футболчиси Дмитри Пайе бурчакдан тўпни ўйинга киритиб беради.

• 5'

  Икарди қанотдан уюштирилган ҳужумни бош билан берган зарбаси орқали якунлади, тўп анча юқорилаб кетди.

• 3'

  "Марсель" учрашувни тўп назорати билан бошлади. Товен дриблинги билан футболчиларни ортда қолдириб, Жерменни тўп билан таъминлаганди, бироқ шериги тўпни олдириб қўйди.

• 1'
  

  Учрашув бошланди!

• 0'

  Футболчилар стадионга чиқиб келишмоқда. Учрашув бошланиш арафасида.

• 0'

  Ассалому алайкум, қадрли футбол ихлосмандлари! "Лига 1" 24-турининг яна бир баҳси бошланиш арафасида. "Марсель" ўз уйида ПСЖни меҳмон қилади. Ўйинни сиз билан Абдулла Маннонов биргаликда кузатиб боради.