PSJ "Barsa"dan himoyachi olmoqchi

"Pari Sen Jermen" rahbariyati qishki transfer oynasi vaqtida "Barselona" himoyachisi Emersonni qo‘lga kiritmoqchi.

Sport.es. nashri ma’lumotiga ko‘ra, parijliklar braziliyalik futbolchi uchun kataloniyaliklar klubiga 25 million evro taklif qilmoqchi.

Mavsumni "Betis"da ijarada o‘tkazayotgan Emerson barcha turnirlarda 16 ta o‘yinda maydonga tushdi. Oldinroq, betisliklar "Barselona" 22 yoshli futbolchi muddatidan oldin qaytarib oladigan bo‘lsa, uning o‘rniga Meksika terma jamoasi himoyachisi Xorxe Sanchesni olib kelmoqchiligi xabar qilingan edi.