ПСЖ Гвардиолани олиб келиш йўлини топди

“Манчестер Сити” молиявий қоидабузарликларга йўл қўйганликда айбланмоқда. Агар клуб жазога тортилса, бош мураббий Хосеп Гвардиола ўзига бошқа иш топиши керак бўлади.

Табиийки, Пеп даражасидаги мутахассис кўчада қолмайди. ПСЖ ҳозирдан испаниялик мураббийни ўзига жалб қилмоқчи.

Парижликлар Гвардиолага агар жамоани қабул қилиб олса, трансфер сиёсатини ўзи юритиш имкониятини ваъда қиляпти. Бундан ташқари, Пеп жаҳон футболидаги энг катта маош оладиган мураббий номини ҳам сақлаб қолади.

Учинчи омил шундан иборатки, Гвардиола ПСЖда ўзининг “Барселона”даги шогирди Лионель Мессига яна бир бор устозлик қилиши мумкин.