ПСЖ Кавани ўрнига 6 та ҳужумчининг номзодини кўриб чиқмоқда

ПСЖ клуби 32 ёшга тўлган уругвайлик ҳужумчиси Эдинсон Каванининг ўрнига муносиб футболчи қидиришни бошлаб юборди.

Le10Sport нашри тарқатган хабарга кўра парижликлар шорт-листида Лука Йович ("Айнтрахт"), Антуан Гризманн ("Атлетико"), Николя Пепе ("Лилль"), Мауро Икарди ("Интер"), Тимо Вернер ("РБ Лейпциг") ва Жоау Фелиш ("Бенфика") каби футболчилар бор.

Ўз навбатида Каванига Мадриднинг “Атлетико” клубидан жиддий қизиқишлар бўлмоқда. У матрасчилар сафида Диего Костанинг ўрнини эгаллаши айтилмоқда.

Маълумот учун, Кавани ПСЖ тарихидаги энг яхши тўпурар ҳисобланади. У жорий мавсум 27та ўйинда майдонга тушди ва ўз ҳисобига 22та гол ҳамда 8та голли узатма ёздириб қўйишга эришди.