ПСЖ кетмоқчи бўлган юлдузини катта нарх билан йўлини тўсяпти

УЕФА Чемпионлар лигасининг амалдаги ғолиби “Пари Сен-Жермен” Англия Премьер-лигасининг бир қатор клублари қизиқишига қарамай, қанот ҳужумчиси Брэдли Барколани сотиш вариантини кўриб чиқмаяпти.

Бу ҳақда The Athletic нашри хабар берди.

Париж клубида 23 ёшли франциялик футболчининг бозор қиймати “Манчестер Сити” яқинда “Ноттингем Форест” ярим ҳимоячиси Эллиот Андерсон учун келишиб олган 116 миллион фунт стерлингдан анча юқори, деб ҳисобланмоқда.

ПСЖ ҳужумчи Гонсалу Рамушнинг “Милан”га ўтиши бўйича келишувдан сўнг футболчиларни сотиш зарурати масаласини ёпган. Бу трансфер Италия клуби тарихидаги энг қиммат харидга айланди.

Шу билан бирга, Баркола ўйин амалиёти етарли эмаслигидан норози эканини яширмаяпти ва асосий таркибда муҳимроқ ўрин эгаллашни хоҳламоқда. Унинг амалдаги шартномаси ҳозирча узайтирилмаган.

Бундан ташқари, француз клуби ярим ҳимоячи Ли Кан Ин ва ҳужумчи Рандал Коло Муани билан хайрлашишга тайёр. Ҳар икки футболчига ёзги трансфер ойнасида жамоани тарк этишга рухсат берилган.