ПСЖ Коутиньони ўз сафида кўрмоқчи, бироқ "Ливерпуль" бунинг учун 100 млн евро сўрамоқда
Англиянинг “Ливерпуль” клуби ҳужумкор ярим ҳимоячиси Филиппе Коутиньо ПСЖнинг қизиқишларига сабаб бўлмоқда. Бу ҳақда Téléfoot нашри маълум қилди.
Ўз навбатида мерсисайдликлар 25 ёшли Бразилия терма жамоаси аъзосини 100 млн еврога баҳолашмоқда.
Таъкидлаш керакки, футболчига бундан аввалроқ “Барселона” клуби ҳам қизиқишлар билдираётган эди. Каталонияликлар ҳам бу борада ўз фикрларини ҳали ўзгартиришганича йўқ.
Маълумот учун, Коутиньо жорий мавсум Англия премьер-лигасининг жами 31та учрашувида иштирок этиб, ўз ҳисобига 13та гол ҳамда 7та голли узатма ёздириб қўйишга эришган.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар