ПСЖ "Ливерпуль"га ўз ҳимоячисини олиб кетишни таклиф қилди

Франциянинг "Пари Сен-Жермен" ва Англиянинг "Ливерпуль" жамоалари Украина терма жамоаси ҳимоячиси Илья Забарнийнинг эҳтимолий трансфери бўйича музокара олиб бормоқда.

Wilson Cox LFC хабарига кўра, Чемпионлар Лигаси ғолиблари "қизиллар"га 23 ёшли украиналик футболчини сотиб олиш ҳуқуқи билан ижарага олишни таклиф қилган. Таклифда кейинчалик трансферни 58 миллион евро эвазига тўлиқ расмийлаштириш шартлари кўзда тутилган.

Забарнийнинг имкониятлари "Ливерпуль"нинг янги бош мураббийи Андони Ираолага яхши таниш. Чунки Илья айнан унинг қўл остида "Борнмут" таркибида ўйнаган, ўтган йили эса шу жамоадан ПСЖга 63 миллион евро эвазига ўтган эди.

Забарний Париж клуби сафида жами 37 учрашувда майдонга тушиб, бир бор гол урди. Ҳозирча "Ливерпуль" украиналик ҳимоячини ижарага олиш таклифини амалга оширишга тайёрми-йўқми, номаълумлигича қолмоқда.