ПСЖ "Манчестер Юнайтед" ярим ҳимоячисини ўз таркибига қўшиб олмоқчи

"Манчестер Юнайтед"ни кейинги йилда тарк этиши мумкин бўлган Каземирога ПСЖ қизиқиш билдиряпти, дея хабар бермоқда "Sports Zone" нашри. 

Маълум бўлишича, ярим ҳимоячини парижликлардан ташқари Саудия Арабистонининг "Ал-Ҳилол" клуби ҳам ўз таркибига қўшиб олишга уринмоқда. "Қизил иблислар" эса бу трансфердан 50 миллион евро ишлаб олишни кўзлаган. 

Эслатиб ўтамиз, Каземиронинг "Манчестер Юнайтед" билан тузган шартномаси 2026 йилнинг ёзига қадар амал қилади. У мазкур мавсумда 12 та ўйинда майдонга тушиб, 4 та гол уришга муваффақ бўлди.