ПСЖ Мбаппе ўрнига икки суперфутболчидан бирини олади

ПСЖ раҳбарияти Килиан Мбаппе кетганидан кейин унинг ўрнига “Бавария” юлдузларидан бирини олади.

Парижликлар ана шу мақсадда таниқли футбол агенти Пини Захави билан учрашув ўтказди. Суҳбат чоғида томонлар “Бавария” футболчилари – Роберт Левандовски ва Кингсли Команни ПСЖга трансфер қилиш имкониятларини ўрганиб чиқди. Бу икки ўйинчи энг асосий номзодлар сифатида эътироф этилди.

Шунингдек, ПСЖда Криштиану Роналдуни олиш имконияти ҳам бор. Футболчининг агенти Жорже Мендес мижозини Париж клубига жойлашга ҳаракат қилиб кўрди. Бироқ бу трансферга етарли  даражада қизиқиш бўлмади.

Таъкидлаш жоизки, ПСЖ “Реал”нинг Мбаппе трансфери бўйича 160 миллион евролик расмий таклифини рад этди.