ПСЖ Мессига ўринбосарни “Барса”дан олади

ПСЖ раҳбарияти Лионель Месси билан янги шартнома борасида келиша олмаяпти. Аргентиналик юлдуз маошининг пасайишига розилик бермади.

Аслида Лионель Месси “Барселона”га қайтиб кетиш истагида. Париж клубида Европа Чемпионлар лигасида ғолиб чиқишига кўзи етмаяпти.

Францияликлар жаҳон чемпионининг ўрнини босадиган ўйинчи қидира бошлади. El Nacional нашрининг маълум қилишича, ПСЖ хўжайинлари “Барселона”дан Усмон Дембелени олиб келмоқчи.

Каталонияликлар Дембеле билан 2024 йилнинг ярмигача шартнома тузган. Томонлар янги келишув борасида бир тўхтамга келгани йўқ.

ПСЖдан ташқари “Бавария” ҳам франциялик ҳужумкор футболчини қўлга киритмоқчи. Дембеленинг трансфер суммаси 60 миллион еврони ташкил қилади.