ПСЖ навбатдаги трансферни расмийлаштирди

Франциянинг “Лилль” клуби ярим ҳимоячиси Ренату Санчеш ПСЖ футболчисига айланди. Бу ҳақда таниқли инсайдер Фабрицио Романо твиттердаги саҳифаси орқали хабар бермоқда.

Манбага кўра, томонлар бугун португалиялик борасида бир қарорга келган. Таъкидланишича, Париж клуби футболчи учун “Лилль”га 15 миллион евро тўлайди.

Яқин вақт ичида Ренату Францияга учиб кетади ва у ерда ПСЖ учун тиббий кўрикдан ўтади.

Маълумот ўрнида, Санчешга “Милан” ҳам қизиқиш билдирган эди. Бироқ футболчи Лига 1 да қолишга қарор қилди.

“Тransfermarkt” портали ярим ҳимоячининг нархини 28 миллион еврога баҳолаган.