ПСЖ нимага ишонмоқда?

"Манчестер Юнайтед" ярим ҳимоячиси Поль Погба шу ёз ПСЖга ўтиши мумкин.

The Telegraph нашри тарқатган хабарга қараганда, МЮ раҳбарияти парижликлардан Погба борасида расмий таклиф бўлишини кутмоқда. Франциялик футболчининг агенти Мино Райола аллақачон ПСЖ билан келишувга эришган.

ПСЖ “қизил иблислар” Погбани 50 миллион еврога сотишига ишонмоқда. Погбанинг МЮ билан амалдаги шартномаси яна бир йилдан сўнг тугайди ва у ҳозирча ушбу келишувни узайтиришни хоҳламаяпти.

“Манчестер Юнайтед” Погбани сотган тақдирда, унинг ўрнига "Ренн" ярим ҳимоячиси Эдуардо Камавингани олиб келади.