ПСЖ ўз футболчиларини миллионер қиляпти

L'Equipe журнали Франция чемпионати юқори дивизионида ўйнаётган футболчилар орасида энг катта маош олаётганларининг рўйхатини тузиб чиқди.

Қизиғи шундаки, рейтингнинг дастлабки ўнта поғонасидан бир клуб – фақатгина “Пари Сен-Жермен” вакиллари ўрин олди.

Лига 1 аъзолари орасида энг катта маош олаётган ўйинчи Усмон Дембеле бўлиб чиқди. Парижликлар ўз тўпурарига ҳар ой 1,5 миллион евродан маош тўлаяпти.

Россия футболидан Европага кетган грузиялик Хвича Кварацхелия яқинда ПСЖга кўчиб ўтган эди. Ҳужумкор футболчининг бир ойлик хизмат ҳақи 900 минг еврога баҳоланяпти.

Энг катта маош олаётганлар ўнлиги қуйидагича кўриниш олди:

1. Усмон Дембеле (ПСЖ) — € 1,5 млн

2. Маркиньос (ПСЖ) — € 1,12 млн

3. Лукас Эрнандес, Ашраф Ҳакими (ПСЖ) — € 1,1 млн

5. Уоррен Заир-Эмери (ПСЖ) — € 0,95 млн

6. Витинья, Хвича Кварацхелия (ПСЖ) — € 0,9 млн

8. Жанлуижи Доннарумма (ПСЖ) — € 0,8495 млн

9. Нуну Мендеш (ПСЖ) — € 0,8 млн

10. Преснел Кимпембе (ПСЖ) — € 0,64 млн.