ПСЖ "Реал"ни доғда қолдириши мумкин!

Хабарингиз бор, "Бавария"нинг австриялик ҳимоячиси Давид Алаба шу ёзда жамоаси билан шартномаси якунланиши боис, клубини ўзгартиришини маълум қилган. Алаба ўтиши мумкин бўлган клублар сифатида шу пайтгача "Реал" Мадрид алоҳида таъкидланиб айтилаётган эди. Бироқ сўнгги маълумотларга қараганда 28 ёшли футболчига ПСЖ ҳам жиддий қизиқиш билдирган.

Sky Sports нашри тарқатган хабарга кўра, Алаба билан Носир Ал-Хелайфининг шахсан ўзи боғланган. Якуний келишув ҳақида бирор аниқ маълумот айтилмаган. Бироқ, маош борасидаги яхшигина таклиф Алабани Парижга етаклаши эҳтимолдан ҳоли эмас. Воқеалар ривожини кузатамиз.