ПСЖ “Реал”ни фитнада айблаяпти

“Пари Сен-Жермен” раҳбарияти бош мураббий Луис Энрике клубни тарк этмоқчи экани ҳақидаги хабарлардан жумбушга келди.

Маълумки, испан матбуоти испаниялик мураббий жамоада Килиан Мбаппе атрофидаги зиддиятдан норози экани ва ички муҳит бузилгани учун клубдан кетмоқчи экани ҳақида маълумот тарқатмоқда.

Таниқли инсайдер Фабрицио Романога кўра, парижликлар бу шов-шувларни “Реал” вакиллари ўйлаб топмоқда, деган фикрга келган.

Таъкидлаш жоизки, ўтган йили Килиан Мбаппе “Реал” раҳбариятини Мадридга кўчиб ўтишга ишонтириб, кутилмаганда ПСЖда қолган эди. Шундан бери бу икки клуб муносабатлари кўнгиодагидек эмас.