ПСЖ суперҳужумчидан воз кечишга қарор қилди

Франция чемпионлари ёзда катта умидлар билан Усмон Дембелени ўз сафига қўшиб олган эди. ПСЖ 26 ёшли ҳужумчи учун “Барселона”га 50 миллион евро тўлаган.

Маълумотларга қараганда, клуб мутасаддилари трансфер ўзини оқлашига ишонмаяпти. Бу Дембеленинг сермаҳсул ўйин кўрсата олмаётгани билан боғлиқ. Франциялик ўйинчи дастлабки 18 та учрашувда атиги битта гол урди.

TodoFichajes нашри тарқатган маълумотга кўра, ПСЖ Англия Премьер-лигасидан бўладиган таклифларни кўриб чиқишга тайёр.

Айни пайтда “Ньюкасл”, “Арсенал”, “Челси” каби клублар Усмон Дембелени трансфер қилишни режалаштирмоқда.

Transfermarkt портали Усмон Дембелени 60 миллион еврога баҳолаяпти.