ПСЖ тез орада Месси ҳақида муҳим хабарни эълон қилади

Аргентина миллий терма жамоаси ҳужумчиси Лионель Месси яна бир неча йил Парижда қолиши мумкин.

Хабарларга кўра, "Пари Сен-Жермен" тез орада ўз юлдузи билан шартнома янгиланганини эълон қилади. Томонлар ўртасидаги амалдаги битим июнь ойида якунига етади.

Шу боис, парижликлар Месси билан иложи борича тезроқ келишмоқчи. Катта эҳтимол билан, у 2024 йилгача Франция чемпионатида ҳаракат қилади.

35 ёшли плеймейкер жорий мавсум парижликлар таркибида 19 учрашувда майдонга тушиб, ўз ҳисобига 12 гол ва 14 ассистни ёздириб қўйишга муваффақ бўлди.