ПСЖ Винисиусни "йўлдан урмоқчи" бўлди

ПСЖ клуби "Реал" юлдузи Винисиус Жуниорга ғалати таклиф юборди. Бу ҳақда Испаниянинг нуфузли "Marca" нашри хабар берди. 

Манбага кўра, француз клуби футболчига 40 миллион евро таклиф қилган. Бу эвазига бразил "Реал" билан шартномасини узайтирмаслиги керак бўлган.

Аммо Вини бунга рад жавобини берган. У Мадрид клубидан бошқа ерда ўйнашни режалаштирмаяпти.  

Маълумот ўрнида, Винисиус ўтган мавсум барча мусобақалар доирасидаги 52 ўйинда 22 гол ва 20 ассист қайд этган.