ПСЖ ёзда катта трансферга қўл уради

ПСЖ раҳбарияти ёзги трансферлар ойнасида "Челси" етакчиси Н'Голо Кантени сотиб олишга ҳаракат қилади. Бу ҳақда "The Telegraph" нашри хабар берди.

Парижликлар футболчини ўз юртига қайтариш учун катта сумма тўлашга ҳам тайёр. Бироқ Лондон клуби ярим ҳимоячини қўйиб юбормоқчи эмас.

Эслатиб ўтамиз, Канте "Челси" сафига 2016 йил "Лестер"дан келиб қўшилганди. Шу муддат ичида у "аристократлар" билан 6та соврин ютишга муваффақ бўлди. 

 Н'Голо жорий мавсум АПЛнинг 16 учрашувида 2 гол ва 2 ассист муаллифига айланган.