ПСЖ ёзда Сергей учун "Лацио"га 100 млн евро таклиф қилмоқчи

ПСЖ клуби "Лацио" хавбеки Сергей Милинкович-Савични ўз сафига қўшиб олмоқчи.

La Gazzetta Dello Sport нашрининг ёзишича, Франция чемпиони ёзда 25 ёшли сербиялик футболчи учун римликларга 100 млн евро таклиф қилмоқчи.

Таъкидлаш керакки, Сергей учун шунингдек "Ювентус" ва "Манчестер Юнайтед" клубларидан ҳам жиддий қизиқишлар мавжуд.

Эслатиб ўтамиз, Милинкович-Савич “Лацио” сафига 2015 йил 18 млн евро эвазига “Генк” клубидан кўчиб ўтган эди. У жорий мавсум 31 та ўйинда иштирок этди ва 5 та гол ҳамда 7 та голли узатмага муаллифлик қилди.

Фикрлар

Фикр қолдириш учун авторизациядан ўтинг!