ПСЖ ёзда сотиб олган футболчиси билан хайрлашади

Франциянинг ПСЖ клуби дарвозабони Льюка Шевалье ёзги трансфер ойнасида клубни тарк этиши мумкин. Бу ҳақда журналист Николо Скира ижтимоий тармоқда маълум қилди.

Франция 1-лигасининг жорий мавсумида 24 ёшли Льюка Шевалье 17 та ўйин ўтказди. Шунингдек, у Чемпионлар лигасида олтита, Франция кубогида эса битта ўйин ўтказган. Шевалье сўнгги марта 23 январь куни Франция чемпионатининг 19-турида "Осер"га қарши ўйинда (1:0) майдонга тушган, шундан сўнг россиялик дарвозабон Матвей Сафонов уни асосий таркибдан сиқиб чиқарган.

ПСЖ 2025/2026-йилги мавсумда Франция чемпионати турнир жадвалида биринчи ўринни эгаллаб турибди. Жамоа 30 ўйинда 69 очко тўплади.