ПСЖ юлдузларсиз ўйнайди, энди Мбаппе ҳам керакмас

Франция терма жамоаси ҳужумчиси Килиан Мбаппенинг ПСЖ билан шартномаси тугашига оз муддат қолди.

Парижликлар ҳамкорликни узайтиришга ҳаракат қилмоқда. Бироқ 25 ёшли форвард клуб таклифини қабул қилмаган тақдирда ҳам ПСЖ ютқазмайди.

Маълумки, Килиан Мбаппени ўйнатиш ҳар қандай клубга, хусусан, ПСЖнинг ўзига ҳам ўта қимматга тушмоқда. Мутахассисларнинг ҳисоб-китобига кўра, Мбаппенинг кетиши парижликларга 200 миллион фунтни иқтисод қилиб қолиш имконини беради.

Шу боис, клуб раҳбарияти ҳужумчининг кетишига тайёр. Бу вазиятда клубнинг ривожланиш стратегияси ўзгаради.

Бош мураббий Луис Энрике асосий эътиборини ёш ўйинчилардан иборат тезкор ва рақобатбардош таркиб шакллантиришга қаратади. Мбаппедан қоладиган 200 миллион фунт бу лойиҳани амалга оширишга етади.

Қолаверса, ПСЖ мутасаддилари Килиан Мбаппенинг ёнида Лионель Месси ва Неймар каби юлдузлар ўйнаган даврда ҳам жамоа Европа Чемпионлар лигаси бош совринини қўлга кирита олмаганини яхши ҳис қилиб турибди.