ПСЖни ПСЖ қилган Неймар бўлади

Бразилиялик футбол агенти Андре Кюри Неймарнинг 2017 йили ПСЖга кўчиб ўтгани Париж клуби учун тарихий аҳамият касб этганини таъкидлади.

- Неймарнинг ПСЖга фойдасининг чеки йўқ. Хусусан, маркетинг масаласида Неймар Париж клубига ўта катта даромад келтирган.

Ҳозир дунёнинг исталган бурчагига борсангиз, болалар ПСЖ футболкасини кийиб юрганини кўрасиз. Неймар бу клубга ўтмагунича улар жамоа номини ҳатто эшитмаган эди.

Неймарнинг Париж клубида ўйнаши Лионель Месси, Килиан Мбаппе ва Анхель ди Мария каби ўйинчиларнинг бу жамоага келишига сабаб бўлди.

Агар Неймар ва Мбаппени ҳисобдан чиқарсак, ПСЖда 100 миллион евро ва ундан катта суммага лойиқ бирорта трансфер бўлмайди, - деди Андре Кюри.

Неймар “Барселона”дан ПСЖга 2017 йили 222 миллион еврога трансфер қилинган эди. Шу кунга қадар 31 ёшли футболчи расман 173 та учрашувда майдонга тушиб, ўз ҳисобига 118 та гол ва 77 та ассист расмийлаштирди.