Пул муҳимми ёки соврин?

“Манчестер Юнайтед” ярим ҳимоячиси Поль Погба мавсум якунланиши билан эркин агент сифатида бу жамоани тарк этиши айтилмоқда.

Франциялик юлдузга даъвогар бўлаётган ПСЖ, “Реал” ва “Ювентус” қаторига дунёнинг энг бадавлат ҳомийга эга клуби – “Ньюкасл” ҳам қўшилди. Бу клуб хўжайинлари 29 ёшли футболчига ҳафтасига 350 минг фунт тўлашни ваъда қилмоқда.

Қолган жамоалар маош борасида ньюкаслликлар билан рақобатлаша олмайди.

Танлов Погбанинг ўзига боғлиқ. Аввалроқ, Поль домий тарзда Чемпионлар лигасида қатнашадиган қудратли жамоага ўтиш истагида эканини билдирган. ПСЖ, “Ювентус” ва “Реал”дан фарқли равишда “Ньюкасл” қитъанинг энг нуфузли турнирида қатнашмайди.