Пуйоль: Неймар ПСЖга ўтиб хато қилган
"Барселона" клуби афсонаси Карлес Пуйоль бразилиялик ҳужумчи Неймарнинг ПСЖга ўтгани борасида ўз фикрини билдириб ўтди.
“Неймар энг зўр жамоада ва энг зўр футболчилар билан бирга ўйнади. Аммо у фаолиятида янгилик қилишга қарор қилди ва биз унинг бу қарорини қабул қилишимиз керак. Ҳозир айтишимиз мумкинки, у хато қилган. У жароҳат олди, ПСЖ эса Чемпионлар лигасидан чиқиб кетди. У фаолиятини якунлагач, барчасини таҳлил қилиб чиқиши мумкин”, - дейди испаниялик футболчи.
Маълумот учун, 27 ёшли Неймар ПСЖ сафига 2017 йил “Барселона”дан 222 млн евро эвазига келиб қўшилган эди.
Фикрлар