Қанчага тушишидан қатъи назар, Мбаппени Англияга олиб келамиз!
ПСЖнинг асосий юлдузига айланган Килиан Мбаппедан анчадан бери уни кутаётган “Реал” ҳам, ёзда зўр таклиф беришини билдирган “Ливерпуль” ҳам қуруқ қолиши мумкин.
“Манчестер Сити” хўжайини шайх Мансур бин Зайд Ан-Нахаён клуб мутасаддиларига Мбаппени неча пул кетишидан қатъи назар, жамоага олиб келиш бўйича топшириш бергани маълум қилинди.
“Шаҳарликлар” айни пайтда тўпурар ҳужумчига қаттиқ эҳтиёж сезмоқда. Хосеп Гвардиола вакиллари ҳарчанд уринмасин, “Тоттенхэм”дан Ҳарри Кейнни ололмади. Энди улар эътиборини Килиан Мбаппега қаратмоқда.
Манчестерликлар франциялик ҳужумчини қишки трансферлар вақтидаёқ ўз таркибига қўшиб олмоқчи. Улар футболчи ёзда эркин агентга айланишини кутмоқчи эмас.
22 ёшли ҳужумчи жорий мавсумда Франция чемпионатининг еттита учрашувида тўртта гол уриб, учта голли пас узатди.
Фикрлар