Қария Роналду яна тахтга қайтди

Коронавирусни енгиб, “Ювентус” таркибига қайтган Криштиану Роналду А Серияда “Специя” дарвозасига бир жуфт гол урганди. Бу голлар орқали португалиялик ҳужумчи Европанинг кучли бешлик чемпионатларида 2020 йил давомида энг кўп тўп киритган футболчига айланди.

Жами 22 та учрашувда рақиблар дарвозасини 26 маротаба ишғол қилган Криштиану бу борада “Бавария” ҳужумчиси Роберт Левандовскидан ўзиб кетди. Польшалик форвард “Бавария” таркибида бу йил 19 та ўйинда ўз ҳисобига 25 та гол ёзиб қўйган эди.

Кучли учликдан ўтган мавсумда “Олтин бутса”га эга чиққан Чиро Иммобиле 22 та аниқ зарба билан ўрин олган.

Кейинги поғоналарда 18 тадан гол муаллифи бўлган “Сассуоло” вакили Франческо Капуто ва “Боруссиядаги вундеркинд Эрлинг Холанд, 17 тадан тўп киритган “Ливерпуль” юлдузи Муҳаммад Салоҳ ва “Милан”даги қария Златан Иброҳимович номи қайд этилган.

Фикрлар

Фикр қолдириш учун авторизациядан ўтинг!