Қишки спорт турлари. Ака-ука Тўхтаевлар жаҳон чемпионатига тайёрланишмоқда

Тоғ чанғиси бўйича Ўзбекистон терма жамоаси аъзоси Комилжон Тўхтаев укаси Амал Тўхтаев билан айни пайтда Италиянинг Доббиако шаҳрида бўлиб туришибди. Спортчиларимиз ушбу шаҳарда жаҳон чемпионатига ҳозирлик кўришмоқда. Бу ҳақда Ўзбекистон Миллий Олимпия қўмитаси матбуот хизмати хабар тарқатмоқда.

Манбага кўра, кичик Тўхтаев 17-26 январь кунлари Австриянинг Цент Антон шаҳрида ўтадиган ёшлар ўртасидаги дунё биринчилигида иштирок этади. Комилжон эса 6-19 февраль кунлари Франсиянинг Куршевел ва Мерибел шаҳарларида ўтадиган жаҳон чемпионатига ҳозирлик кўрмоқда.