"Қизилқум" - "Бунёдкор": Мезбонлар ҳисобни йирик кўриниш келтирди! (матнли трансляция)

Ассалому алайкум, муҳтарам футбол ихлосмандлари. Ўзбекистон кубоги 1/8 финалидан ўрин олган "Қизилқум" - "Бунёдкор" учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

• 90+4'
  

  Учрашув якунланди. Матнли трансляция Жавоҳир Азимов томонидан олиб борилди!

• 90+3'
  

  Ўйин вақтини сунъий чўзгани учун Бойдуллаев огоҳлантирилди.

• 90+2'

  Сўнгги дақиқаларни меҳмонлар ҳужумда ўтказмоқда.

• 90'
  

  Ўйиннинг асосий вақтига 3 дақиқа қўшиб берилди.

• 89'
  

  Нестеров жамоасини муқаррар голдан сақлаб қолди. Тўраевнинг зарбасини тажрибали посбон қайтарди.

• 87'
  

  Толмасов ўйиндан ташқари ҳолатда қолиб кетди.

• 84'
  

  Мираҳмадов сариқ карточка ишлаб олди.

• 80'

  Голдан руҳланган меҳмонлар катта иштиёқ билан олдинга ўтмоқда.

• 77'
  

  ГООООООООООЛЛЛЛЛЛЛ! "Бунёдкор" ҳисобни қисқартирди!

  Тўраевнинг узатмасидан сўнг Мираҳматов дарвозани ишғол этди.

• 74'
  

  Расул Йўлдошев захирага олинди. Унинг ўрнига Муҳаммадодил Қаҳрамонов майдонга тушди.

• 73'
  

  Муҳсин Убайдуллаев ва Ойбек Қиличев ўрнига Суннатилла Абдуллажонов ҳамда Воҳид Шодиев ўйинга қўшилди.

• 70'
  

  ГООООООООООЛЛЛЛЛЛЛ! Олег Толмасов ҳисобни йирик кўринишга келтирди!

  Узоқ масофадан берилган зарбани дарвозабон ўта қўпол хатоси туфайли ўтказиб юборди.

• 68'
  

  Жарима майдони ташқарисидан берилган кучли зарбани Нестеров қайтарди.

• 67'

  Жарима майдонига узатилаётган кетма-кет пасларни навоийликлар узоқлаштиряпти.

• 65'

  Ўйин кескин курашлар остида давом этмоқда.

• 62'

  Тўраевнинг зарбаси хавфли чиқди, аммо ноаниқ.

• 60'

  Хуршид Ғиёсов жарима майдони ичида йиқилди, ҳакам ўйинни давом эттиришга рухсат берди.

• 58'

  Ҳисобда ортда бораётган меҳмонлар тинмай олдинга ўтмоқда.

• 55'
  

  Шаҳбоз Эркинов, Абдумавлон Абдулжалилов ва Суҳроб Иззатов майдонни тарк этди. Улар ўрнига Миржаҳон Мираҳмадов, Сарвар Каримов ҳамда Фаррух Икромов майдонга тушди.

• 52'
  

  ГООООООООООЛЛЛЛЛЛЛ! "Қизилқум" ҳисобни ишончли кўринишга келтирди!

  Тезкор қарши ҳужумга ўтган Қиличев шеригини тўп билан таъминлади. Жасур Азимовнинг кучли зарбасини дарвозабон қайтара олмади.

• 51'

  Иккинчи 45 дақиқаликни ҳам меҳмонлар фаол ўтказмоқда.

• 48'
  

  Қиличевнинг кучли зарбасини дарвозабон ушлаб олди.

• 46'
  

  Иккинчи тайм бошланди!

• 46'
  

  Бўлимлар оралиғида мезбонлар сафида ўзгариш: Қадамбой Нурметов ўрнига Иброҳим Томива майдонга тушди.

• 46'

  Футболчилар майдонга қайтди. Биз ҳам қайтамиз!

• 45+2'
  

  Танаффус!

• 45+1'

  Тайм сўнгини ҳам меҳмонлар тўп назорати билан ўтказяпти.

• 45'
  

  Биринчи бўлимга 1 дақиқа қўшиб берилди

• 43'
  

  ГООООООООООЛЛЛЛЛЛЛ! "Қизилқум" ҳисобни очди!

  Миржамол Қосимовнинг узоқ масофадан йўллаган зарбасини дарвозабон ушлаб ололмади. Абдужалиловнинг қўпол хатоси жамоасига панд берди.

• 42'

  Ўйин темпи бироз пасайди. Футболчилар майда паслар билан рақибни тўхтатмоқда.

• 39'

  Қиличевнинг яқин масофадан йўллаган зарбаси дарвоза юқорисидан ўтиб кетди.га кетди

• 36'
  

  "Қизилқум" вакилига тиббий ёрдам кўрсатилди.

• 34'

  Лутфулло Тўраевнинг зарбасига аниқлик етишмади.

• 32'

  Ўйин майдон марказида кечмоқда. Жамоалар рақиб жарима майдонига киришга қийналяпти.

• 29'

  "Бунёдкор" позицион ҳужумлар уюштирмоқда. Мезбонларнинг қарши ҳужумлари хавфли чиқяпти. Жамоалар қизиқарли ўйин тақдим этмоқда.

• 27'

  Қобилов рақибга нисбатан қўполлик ишлатди. "Қизилқум"да стандарт вазият.

• 26'

  Абдужалилов жарима майдонига узатилган тўпни эгаллаб олди.

• 23'
  

  Бурчак тўпини комбинацион тарзда ўйинга киритган меҳмонлар сўнгги нуқта қўйишда адашди.

• 22'
  

  Абрамов шогирдлари рақиб жарима майдони атрофида узатмалар амалга ошириб, ҳимоядаги бўш ҳудудларни изламоқда.

• 19'

  Майдон марказида икки футболчи тўқнашиб кетди.

• 17'
  

  Жарима майдонига узатилган тўпга чиқишда дарвозабон хатога йўл қўйди. Унинг бахтига, Азимовнинг зарбаси кучсиз чиқди. Абдужалилов тўпни ушлаб олди.

• 16'
  

  Рақибга нисбатан қоида бузган Суҳроб Иззатов огоҳлантирилди.

• 13'

  Қодирқуловнинг узоқ масофадан йўллаган зарбаси Толмасовдан қайтди.

• 11'

  Тўп назорати "қалдирғочлар"да. Улар марказда қисқа узатмалар билан рақибни кўпроқ югуришга мажбур қилмоқда.

• 9'

  "Бунёдкор" яхши комбинациялар ташкил этмоқда.

• 7'

  Майдон эгалари хавфли ҳужум уюштирди: жарима майдонига огирилган тўпни "Қизилқум" футболчиси бўш қолган дарвозага кирита олмади.

• 6'

  Жарима майдонига узатилган тўпни Нестеров ушлаб олди.

• 5'
  

  Ислом Қобилов рақиби билан тўқнашиб кетди. Унга тиббий ёрдам кўрсатилмоқда.

• 3'

  Илк дақиқалардан олдинга ўтган Хуршид Ғиёсов ҳужумда қоида бузди.

• 1'
  

  Ўйин бошланди!

• 0'

  Футболчилар майдонга тушиб келмоқда. Ўйин бир неча дақиқалар ичида старт олади!