"Qizilqum" prezidenti bosh murabbiy lavozimida kimni ko‘rishni istayotganini ma’lum qildi

Sobiq hakam Hasan Ro‘ziev yaqinda “Qizilqum” klubi prezidenti sifatida ishga kirishganidan xabaringiz bo‘lsa kerak. Shu bilan birga bir necha yillardan beri bosh murabbiy sifatida ishlab kelgan Hamidjon Aktamov klubdan ketganini ma’lum qilgandi. Shu bois endilikda “Qizilqum”ni qaysi murabbiy boshqarishi juda qiziq tuyulmoqda.

“Qizilqum” prezidenti Hasan Ro‘ziev esa bosh murabbiy lavozimida qaysi mutaxassisni ko‘rishni istayotganini ma’lum qildi. Unga ko‘ra yaqinda “Andijon”ni tark etgan Aleksandr Xomyakov bilan “Qizilqum”da ishlashni xohlayotganini yashirmadi. Ammo buning uchun Ro‘ziev avvalo rahbariyat bilan bosh murabbiy masalasida maslahatlashishini ham ta’kidladi.

Shuni aytish joizki, Hasan Ro‘ziev bilan katta suhbat uyushtirgandik va uning birinchi qismini saytimiz orqali hukmingizga havola etgandik. Tez orada esa ushbu suhbatning ikkinchi qismini saytimizda o‘qishingiz mumkin. Unda hakamlikdan keyingi faoliyati haqida gap boradi. Ya’ni, “Surxon”ga kim chaqirgani, u erdan nega barvaqt ketgani, “Qizilqum”da paydo bo‘lishi, Navoiydagi maqsad va rejalari kabi muhim masalalarda o‘z fikrlarini bildiradi. Shunday ekan, Hasan Ro‘ziev bilan suhbatning ikkinchi qismini o‘tkazib yubormang.