"Қизилқум" яна 3 трансферни эълон қилди. Рўйхатда номдор футболчилар бор

Қишки трансфер ойнаси ўрталарига келиб анча фаоллашган "Қизилқум" Бобур Йўлдошев ва Шуҳрат Муҳаммадиев трансферини эълон қилган эди.

Навоийликлар ўз таркибини яна 3 футболчи билан кучайтирганини маълум қилди. Ўзбекистоннинг 3 карра чемпиони, фаолияти давомида Таиланднинг “Тренгану” ва Қатарнинг “Ал Сайлия” жамоаларида тўп сурган ҳамда жамоаларнинг асосий футбочисига айлана олган, тажрибали яримҳимоячи Санжар Шоаҳмедов янги мавсумни “Қизилқум” жамоасида бошлайди.

Санжар Шоаҳмедов хақида қисқача маълумот:

Исми шарифи: Санжар Шоаҳмедов
Туғилган жойи: Тошкент
Туғилган сана: 23.09.1990 й
Миллати: ўзбек
Амплуа: ярим ҳимоячи

Санжар Шоаҳмедов тўп сурган жамоалар: АГМК, “Локомотив”, “Ал Сайлия” (Қатар), “Тренгану” (Таиланд).

“Машъал” академияси тарбияланувчиси бўлган, Ўзбекистон терма жамоасига доимий номзод, фаолияти давомида Муборакнинг “Машъал”, Бекободнинг “Металлург”, Тошкентнинг “Локомотив” жамоаларида ўзининг маҳоратини кўрсата олган, маҳоратли дарвозабон Жавоҳир Илёсов бошланадиган мавсумни “Қизилқум” жамоаси сафида бошлайди.

Жавоҳир Илёсов хақида қисқача маълумот:

Исми шарифи: Жавоҳир Илёсов
Туғилган жойи: Чироқчи, Қашқадарё
Туғилган сана: 06.02.1994 й
Миллати: ўзбек
Амплуа: дарвозабон

Жавоҳир Илёсов тўп сурган жамоалар: “Машъал”, “Металлург”, “Локомотив”.

Тошкентнинг “Оқ-тепа” клубида танилган, “Зомин” ва Яйпаннинг “Турон” жамоаларида ҳам ўз ўйинларини ўтказган, Про-лигада бир неча бор тўпурар бўлган Орифхўжа Абдухолиқов янги мавсумни “Қизилқум” жамоаси сафида бошлайди.

Орифхўжа Абдхолиқов хақида қисқача маълумот:

Исми шарифи: Орифхўжа Абдухолиқов
Туғилган жойи: Тошкент
Туғилган сана: 21.02.1995 й
Миллати: ўзбек
Амплуа: ҳужумчи

Орифхўжа Абдухолиқов тўп сурган жамоалар: “Оқтепа”, “Зомин”, “Турон”.

“Қизилқум” клуби матбуот хизмати