"Қизилқум"дан "Локомотив"га ўтган легионер яна Навоий клубига қайтди

Ўтган мавсум ёзида "Локомотив" клуби футболчисига айланган никарагуалик Ариагнер Смит Медина яна собиқ жамоага қайтди.

"Қизилқум" клуби матбуот хизматининг маълум қилишича, Смит навоийликларнинг хориждаги ўқув-машғулот йиғинига бориб қўшилди. "Қизилқум" айни кунларда Туркиянинг Анталия шаҳрида ўқув-йиғин машғулотлари олиб бормоқда.

Эслатиб ўтамиз, Ариагнер Смит Медина ўтган мавсум биринчи даврасида Навоийнинг "Қизилқум" сафида тўп тепганди.