Бугун Ўзбекистон Суперлигаси 21-туридан ўрин олган "Қўқон-1912" ҳамда "Металлург" жамоалари ўртасидаги ўйин бўлиб ўтди.

Қўқондаги "Марказий" стадионда кечган учрашув меҳмонларнинг 3:2 ҳисобидаги ғалабаси билан ниҳоясига етди. 7-дақиқада Отабек Ҳайдаров ҳисобни очди. 24-дақиқада Станислав Андреевга нисбатан тўп учун курашда хавфли ҳаракат қилгани учун Мурод Холмуҳаммедов майдондан четлатилди.

Шундан сўнг беллашувдаги устунлик бекободликлар томонга ўтди ва Музаффар Музаффаров, Зоҳид Абдуллаев ҳамда Баҳром Абдураҳимовлар рақиб дарвозасини ишғол этишга эришди. Беллашув сўнггида эса Жаҳонгир Аҳмадов ҳисобни қисқартиришга эришди.

Қуйида ушбу учрашувнинг қисқача видеошарҳини томоша қилишингиз мумкин:

Матнда хатолик топсангиз, ўша хатони белгилаб, бизга жўнатинг (Ctrl + Enter)