"Қўқон-1912" Бухородаги охирги 5 та ўйиндан бери ғалаба қозона олмаяпти

Суперлига 23-тур доирасидан ўрин олган “Бухоро” - “Қўқон-1912” учрашуви 30 октябрь куни бўлиб ўтади. Мазкур баҳс олдидан "Қўқон-1912" матбуот хизмати жамоаларнинг ўзаро ўйинлардаги статистик маълумотларни тақдим этди.

Ўзаро ўйинлар

Ушбу жамоалар шу пайтга қадар чемпионат доирасида 27 марта тўқнаш келишган. Ўзаро учрашувларнинг 9 тасида қўқонликлар ғалаба қозонишган. “Бухоро” ўйинларнинг 15 тасида зафар қучган, 3 та баҳсда дуранг қайд этилган. Тўплар нисбати – 53-37, “Бухоро” фойдасига. Ўзаро ўйинларда Бухороликлар 48 очкони қўлга киритишган. “Қўқон-1912” очкоси 30 тани ташкил этади.

Бухорода ўтказилган сўнгги бешта учрашув:

03.03.2018 Бухоро – Қўқон-1912 - 1:0
04.11.2017 Бухоро – Қўқон -1912 - 2:2
19.08.2016 Бухоро – Қўқон -1912 - 3:1
19.09.2015 Бухоро - Қўқон -1912 - 2:0
10.08.2003 Бухоро - Қўқон -1912 - 4:2

425-учрашув арафасида

«Қўқон-1912» жамоаси Ўзбекистон чемпионатларидаги 425-ўйинини ўтказиш арафасида турибди. 14-мавсум кучлилар сафида иштирок этаётган қўқонликлар шу кунга қадар 424 та учрашув ўтказишган. Жамоа шуларнинг 150 тасида ғалаба, 66 учрашувда дуранг 208 та ўйинда мағлубиятга учраган. Тўплар нисбати 565 – 769. Умумий очколар 516 тани ташкил этади.

Айтганча, ўтган турда Хамидулло Абдуҳамидовнинг “Қизилқум” дарвозасига киритган голи "Қўқон-1912" жамоасининг миллий чемпионатлардаги 565-голи сифатида тарихда қоладиган бўлди.

Бошланиш вақтлари

“Бухоро” – “Қўқон-1912” учрашуви Бухоро шаҳридаги “Бухоро” спорт мажмуаси ўйингоҳида соат 17:00да старт олади.