Қойиллатдинг Моуриньо!

Жозе Моуриньо УЕФА чемпионлар лигаси, Европа лигаси ҳамда Конференциялар лигасида ғолиб бўлган илк мураббийга айланди. 

Конференциялар лигаси финалидан ўрин олган ўйинда "бўрилар" "Фейеноорд"ни 1:0 ҳисобида мағлуб этди. Шу тариқа, португалиялик илк бора ўтказилган турнирда ўз жамоаси билан зафар қучди. 

Эслатиб ўтамиз, Жозе Чемпионлар лигаси бош совринини "Порту" (2004) ҳамда "Интер" билан қўлга киритган. Шунингдек, Европа лигасида ҳам "Порту"ни чемпион қила олган (2003). Бундан ташқари, у "Манчестер Юнайтед" билан ҳам ушбу кубокка эга чиққан.