Қудратилло Абдуқаҳҳоровнинг навбатдаги жанг санаси ва рақиби маълум бўлди

Профессионал бокснинг ярим ўрта вазн тоифасида (-66,6 кг) фаолият олиб бораётган ҳамюртимиз Қудратилло Абдуқаҳҳоров ўзининг навбатдаги жангини 19 июнь куни Америка Қўшма Штатларида ўтказади. «Premier Boxing Champions» компанияси томонидан ташкил этиладиган бокс оқшомида Абдуқаҳҳоровга аргентиналик Сезас Мигел Баррионуево рақиблик қилади.

Абдуқаҳҳоров (18-0, 10КО) қарийб бир ярим йиллик танаффусдан сўнг «Тоp Rank» компанияси билан шартномни бекор қилган ва «Sampson Boxing» билан келишувга эришган. У 13 март куни Хавьер Флоресни 8-раундда муддатидан олдин мағлуб этган эди.

Унга ракиблик қилиши кутилаётган Мигел Баррионуево (35-4-2, 25 КО) 2018 йил сентябрь ойида Йорденис Угасга очколар ҳисобида имкониятни бой берди. Шундан сўнг, бир йил ўтиб у Хуан Ленсинани 1-раунддаёқ нокаутга учратиб ғалаба қозонган.

Эслатиб ўтамиз, кечанинг асосий жангида ўрта вазнда WBC жаҳон чемпиони Жермалл Чарло Хуан Маcиас Монтеилга қарши жанг олиб боради.