Рафинья "Олтин тўп"га лойиқ эканлигини айтди

"Барселона" вингери Рафинья 2025 йил учун "Олтин тўп" мукофотига лойиқ бўлганини маълум қилди. Бразилиялик футболчи овоз бериш якунларига кўра, бешинчи ўринни эгаллаган. 

"Мен хафа бўлдим. Ҳеч бўлмаганда кучли учликка киришни кутгандим. Ўзимни қайси ўринга қўяр эдим? Биринчи ўринга. Индивидуал мукофот фақат битта турнирга қараб берилиши керак эмас. Қўлга киритган совринларим, кўрсатган статистикаларим ва жамоага қўшган ҳиссамни инобатга олсак, мен ғалабага лойиқ эдим", — деди Рафинья.

Маълумот учун, ўтган мавсум мазкур соврин эса ПСЖ жамоаси футболчиси Усмон Дембелега насиб этган.